லேடீஸ் வர்றாங்க கிளம்பு!!

"லேடீஸ் வராங்கள்ல நகருங்க!!"

"லேடீஸ் நிக்கிறாங்கல்ல.. இடம் கொடுங்க சார்!!"

"லேடீஸ்கு முதல்ல கொடுத்து அனுப்புங்கப்பா!!"

மேல இருக்க இந்த வரிகளை, பஸ்ல, தியேட்டர்ல, ரேசன் கடைல, இப்படி கண்ட கண்ட இடத்துலயும் கேட்டிருக்கோம்! இந்த வரிகளையெல்லாம் தமிழ்நாட்டுல அதிகமா உபயோகப்படுத்துறது 'லேடீஸ்' இல்ல என் மக்களே... நம்ம ஆண் தோழர்கள் தான்!

எங்க பார்த்தாலும் எப்பப் பார்த்தாலும் எப்படிப் பார்த்தாலும் இவைய்ங்க தொல்ல தாங்க முடியாது.. நம்மலே பஸ்ல ஒரு கம்பிய புடிச்சு, கஷ்டப்பட்டு பேலன்ஸ் பண்ணி, ஓரமா நிப்போம், அப்ப ஒருத்தன் திடீர்னு பின்னாடி இருந்து கத்துவான், "ஏன் சார், லேடீஸ் வராங்கள்ல? கொஞ்சம் நகர்ந்தா என்ன சார்?"னு கேட்டுட்டு, நம்மல பார்த்து கடுப்பான ஒரு முறைப்பும், அந்த பொம்பளையப் பார்த்து ஒரு சிரிப்பும் வுடுவான். நமக்கு கேவலமா இருக்கும். அதுல அந்த அல்பத்துக்கு ஒரு பெருமை.

என்னமோ த்ரெளபதிக்கு 'அன்லிமிடெட்' சேலை கொடுத்த கிருஷ்ணபரமாத்மா மாதிரி! இவய்ங்க தொல்ல பஸ்சு, தியேட்டர்லதான் அதிகம்னு பார்த்தா, கண்றாவி இப்போ இன்னொரு இடத்துலயும் ஆரம்பிச்சுட்டாய்ங்க...!! நானும் என் நண்பர்களும் சாப்பிட்டுட்டு இருக்கப்ப ஒருத்தன் வேகமா வந்து, "ரெண்டு நூடுல்ஸ் பார்சல்"னு பில் வாங்குனான். பார்சல் பண்றவன்கிட்ட பில்ல கொடுக்குறப்ப அந்தப் பய ஒன்னு சொன்னான் பாருங்க, எங்களுக்கு சாப்டதெல்லாம் வெளிய வந்துருச்சு.... வாய் வழியா!!!
"அண்ணே.. லேடீஸ் சாப்பிடுறதுண்ணே. கொஞ்சம் நல்லா பண்ணிக் கொடுங்கண்ணே!!!!"ன்னான். நாங்க நாலு பேரும் மாத்தி மாத்தி பார்த்துகிட்டோம். நான் என் நண்பன் கிட்ட "என்ன மாப்ள இவய்ங்க? இப்படி ஆரம்பிச்சுட்டாய்ங்க? எது எதுக்கு 'இதை'ச் சொல்றதுனு இவய்ங்களுக்கு ஒரு விவஸ்தையே கிடையாதாடா?"னு நொந்து போய் சொன்னேன்.

அதுக்கு அவன் சொன்னான் "இது ஒன்னுலதான் நம்ம ஊருல வித்தியாசம் பார்க்காம இருந்தாய்ங்க, இப்ப இதுலயும் ஆரம்பிச்சுட்டாய்ங்கடா!!"னு.

சாப்பிட்டு வெளிய வந்து ஒரு பெட்டிக் கடைக்கு போனோம். என் நண்பன், கடைக்காரன் கிட்ட ஒரு சிகரெட் வாங்குனான்.

அப்ப நான் சொன்னேன், "அண்ணே நல்லதா தாங்கண்ணே..லேடீஸ் அடிக்கிறது"னு!!!!! கடைக்காரன் கடுப்பாயிட்டான்.. நாங்க 'எஸ்' ஆயிட்ட